Los poetes cantamos a la paz, a la llibertá, al amor y a les coses pequeñes…
Encomienzo esti artículu apropiándome de les pallabres del poeta Gabriel Celaya: “La poesía ye un arma cargada de futuru”. Qué pena que les armes nun disparen versos qu’inunden el corazón de los que tán abrasando’l mundu de violencia y de calamidaes.
Paz y poesía, poesía y paz.Esti mes de mayu, celébrase’l VII Festival de la pallabra nel mundu. Un movimientu poéticu qu’enllena’l planeta de versos.
Los y les poetes tomamos la pallabra. Nesti mundu de conflictos, guerres y violencia nel que ta sumida la humanidá, queremos dar un respiru d’aire frescu colos nuesos versos, queremos denunciar, la guerra, la violencia, la probeza, l’egoísmu, el materialismu y la represión qu’afeuta a la nuesa sociedá. Nesti sen, cuadren mui bien estos versos del gran poeta Pablo Neruda: “La poesía ye un actu de paz/ El poeta naz de la paz(…)/Yo nun vengo a resolver nada/Yo vine aquí pa cantar/y pa que cantes conmigo”.Qué faltos tamos de poder cantar, versos y poemes . Cantar, al altu la lleva, pola paz y la llibertá. Cantar al amor y a les coses pequeñes. Desaniciar la tristura que nos amaga.Tamos a tiempu pa recuperar l’optimismu y l’allegría. Como yá reivindicaba Blas de Otero:"Pido la paz y la palabra”.La palabra del poeta ye l’arma p’apaciguar al mundu... Seguir leyendo
No hay comentarios:
Publicar un comentario